Ka zgjatur vetëm 3 javë arratia nga burgu italian shqiptarit Besnik Mirra, i cili i shpëtoi rojeve të burgut ne menyre spektakolare më datë 17 mars nga burgu San Michele në Alessandria. Policia e ka kapur atë gjatë ditës së djeshme. 37-vjeçari shqiptar është arrestua ndërsa fshihej në një kamp rom në provincën e Milanos.
Në momentin e arratisjes, i burgosuri Besnik Mirra, i cili ishte i punësuar si punonjës pastrimi në burgun e San Michele, po punonte mes murit rrethues të strukturës që lidhej me parkingun e jashtëm. Duke përfituar nga mosfunksionimi i telekamerave të mbikqyrjes 35-vjeçari shqiptar arratiset pa lënë gjurmë.
Arratisja
Një shtetas shqiptar ia ka mbathur nga burgu San Michele në Itali, mëngjesin e të premtes që lamë pas. I burgosuri 35-vjecari Besnik Mirra, ishte duke punuar për pastrimin e mureve të jashtme të burgut në momenti që ka ikur, ku mendohet se është ngjitur mbi gardhin rrethues. Kërkimi ka nisur menjëherë pas arratisjes, por asgjë deri më tani nuk ka rezultuar me sukses.
Besniku kishte shlyer tashmë dhjetë vjet të dënimit për krime kundër pasurisë dhe duhet të dalë nga burgu në vitin 2024. Në burg ai kurrë nuk kishte pasur probleme dhe ishte sjellë gjithmonë mir. Kështu që ai ishte futur në një program që e lejonte të merrej me pastrimin e burgut, por jo të largohej nga zona e kamerave te sigurisë. /ma.me
