Një ngjarje e rëndë është shënuar ditën e sotme në Sarandë, pasi një 27-vjeçare ka ndërruar jetë gjatë transportimit me ambulancë për në Tiranë.
Elsa Skenderi u paraqit rreth orës 17.00 te ditës së djeshme në gjendje të rëndë në spitalin e Sarandës, me të vjella dhe hemoragji. Sipas bluzave te bardha të Sarandës 27-vjeçarja në spital ka bërë edhe vdekje klinike.
Pasi u reanimua dhe ndihmës urgjente spitalore gjendja e saj u përmirësua. Pas 4 ore nën kontrollin e mjekeve duke parë gjendjen e rëndë edhe pse disi e përmirësuar, mjekët e Sarandës vendosen dërgimin e saj me autoambulance drejt Tiranës për mjekim më të specializuar.
Rrugës duke shkuar për Tirane, 27-vjecarja ka ndërruar jetë ne afërsi të Fierit. Autopsia pritet të përcaktojë shkaqet reale të vdekjes, ndërkohe që dyshimet e forta janë për overdozë. Burimet policore bëjnë te ditur se ajo njihej si përdoruese e lëndëve narkotike.
Njoftimi i policisë
Më datë 14.02.2018, në spitalin rajonal, është dërguar me ambulancë nga Saranda në gjendje të rëndë shëndetësore dhe ka ndërruar jetë, shtetasja E.S, 27 vjeçe, banuese në Sarandë.
Dyshohet se vdekja ka ardhur nga overdoza, pasi ka qenë përdoruese e lëndëve narkotike. Punohet për sqarimin e rrethanave dhe përcaktimin e shkaqeve të vdekjes.
a.ç
