Reperi Big Pokey ka ndërruar jetë në moshën 45-vjeçare pasi u rrëzua papritur në skenë në Teksas.
Artisti, emri i vërtetë Milton Powell, vdiq të dielën, sipas një postimi në llogarinë e tij në Instagram.
“Me pikëllim të thellë ndajmë lajmin për ndarjen nga jeta të të dashurit tonë Milton ‘Big Pokey’ Powell”, thuhet në postim.
“Ju kërkojmë që të respektoni familjen e tij dhe privatësinë e tyre gjatë kësaj kohe të vështirë”, thuhet më tej.
Në një video të postuar në Twitter shihet momenti kur Big Pokey u rrëzua në skenë teksa performonte në një bar në Beaumount të shtunën.
Fillimisht turma e njerëzve mendoi se nuk ishte diçka serioze, por kur panë që ai nuk po ngrihej u panikosën.
Një grua, e cila tha se është infermiere, nxiton drejt tij dhe u përpoq që t’i japë ndihmën e shpejtë.
Ai u dërgua në spital, por nuk arriti të mbijetojë. Ende nuk dihet shkaku i vdekjes së tij./m.j
