Klubi i futbollit “2 korriku” ka njoftuar se ka vdekur ish-futbollisti i kësaj skuadre, 15-vjeçari Leonit Syla.
Në telegramin e ngushëllimit të dërguar nga klubi familjes së Leonitit, thuhet se, ky lajm është jashtëzakonisht i rëndë jo vetëm për familjen, por për të gjithë dashamirët e futbollit.
Me pikëllim të madh morëm lajmin e kobshëm për ndarjen nga jeta të më të dashurit tuaj e ish-futbollistit të shkollës tonë të futbollit, Leonit.
Leoni ishte luftarak në fushën e futbollit e po ashtu edhe jashtë saj, sepse luftoi fortë më sëmundjen e rëndë që e kishte, por si një djal trim e i patrembur me luftën e mosdorëzimin e tij ka treguar se sa shumë e donte jetën e futbollin.
Këto momente janë jashtëzakonisht të rënda; të gjithë jemi me lotë në sy e dhimbje në zemër, por bashkë më Ju do të jemi përherë e nderuara familje e të ndjerit, të cilin do ta kujtojmë përherë me të gjitha ato kujtime të bukura e shpresëdhënëse që i ka lën pas vetes.
Me shumë respekt, FC 2 Korriku./m.j
