Një 34-vjeçar ka humbur jetën tragjikisht në Itali, pas një aksidenti të rëndë automobilistik.
Viktima është identifikuar si Ilisjan Denko, me profesion inxhinier, ndërsa raportohet se ai humbi jetën, pasi u përplas me një kamion teksa po udhëtonte me makinë e tij. Plagët që mori ishin shumë të rënda dhe për pasojë, ai nuk mundi të mbijetojë.
Sipas asaj që shkruajnë mediat italiane, i riu shqiptar mendohet se nuk e ka vënë re që rruga ku po kalonte ishte e bllokuar nga një kamion që kishte ndaluar. Autostrada ishte mbuluar nga tymi, pasi kamioni kishte marrë flakë dhe autoritetet po hetojnë edhe pistën që tymi nga zjarri të ketë penguar shikueshmërinë.
Demko banonte në Siçili me familjen e tij. Ai ishte inxhinier dhe punonte si drejtor prodhimi për një kompani nga Tirana. I riu ishte i martuar dhe kishte një djalë./m.j
