Të shtëna me armë zjarri janë raportuar mbrëmjen e sotme në në lagjen ”Perash” në Shkodër.
Abcnews.al mëson se në spital është paraqitur një i ri i plagosur në këmbë.
I plagosuri është Edis Reçi 28 vjeç banues në lagjen Dobraç. Ai është paraqitur në spitalin rajonal të Shkodrës me një plagë në gjurin e djathtë, e shkaktuar nga armë zjarri.
Ka qenë urgjenca e Shkodrës që ka njoftuar policinë. Nga të dhënat mësohet se rreth orës 21: 45 janë dëgjuar të shtëna me armë zjarri në lagjen Perash të Shkodrës në afërsi të Sheshit Isa Boletini. Policia po heton rreth ngjarjes. Pritet dëshmia e të plagosurit rreth kësaj ngjarjeje.
/b.h
