Një makinë është qëlluar me armë pasditen e kësaj të hëne në Berat. Ngjarja është regjistruar në rrugën që të çon në fshatin Dushnik.
Burime për Vizion Plus bëjnë me dije është qëlluar me armë në drejtim të makinës së drejtuar nga 46-vjeçari Altin Halili, i cili rezulton të jetë person me precedentë të mëparshëm penalë.
Të njëjtat burime konfirmojnë se Halili ka qenë më parë i dënuar për vrasje. Fatmirësisht nga të shtënat nuk ka patur persona të lënduar.
Ndërkohë që policia po heton për zbardhjen e ngjarjes ndërsa ka ngritur postoblloqe në rrugët kryesore.
Ëshët gjetur një makinë e djegur tip “Hunday” e cila dyshohet se është përdorur nga autorët.
Njoftimi i policisë:
Rreth orës 16.10, në rrugën e fshatit Dushnik, është qëlluar me armë zjarri në drejtim të automjetit që drejtohej nga shtetasi A. H, 46 vjeç, banues në Berat, person me precedent të mëparshëm kriminal. Nga të shtënat nuk ka persona të lënduar.
Menjëherë në vendngjarje kanë shkuar shërbimet e Komisariatit të Policisë Berat, Forcat Operacionale dhe ato Shqiponja të DVP Berat dhe drejtuesit e Drejtorisë Vendore të Policisë Berat.
Njëkohësisht është ngritur grupi hetimor nën drejtimin e Prokurorisë i cili ndodhet në vendngjarje.
Gjithashtu në ndihmë të Policisë Vendore janë nisur grupe të Forcës Kombëtare të Sigurisë, Njësia Fier.
Shërbimet e Policisë janë vënë në ndjekje të autorëve dhe gjatë kontrollit të zonës në fshatin Kozare kanë gjetur një automejt që po digjej që dyshohet se mund të jetë i autorëve.
Nga veprimet e shpejta dyshohet se autorët janë nga qarku Fier dhe për këtë janë angazhuar në veprimeve operacionale dhe shërbimet e Dretorisë Vendore të Policisë Fier dhe Komisariateve në varësi të saj.
Për arsye hetime nuk jepen të dhëna të tjera.
Vijojnë veprimet hetimore dhe operacionale nën drejtimin e Prokurorisë për të bërë të mundur zbardhjen dhe dokumentimin e plotë ligjor të këtij rasti.
