Një plagosje me armë zjarri ka ndodhur mesditën e kësaj të premteje në Tiranë.
Ngjarja ndodhi pranë një karburanti në zonën e Selitës. Burime nga policia raportojnë për një person të plagosur, i cili është qëlluar me armë zjarri.
I lënduari, Mikel Shira 18 vjeç, është transportuar drejt Spitalit të Traumës, ku dhe ndodhet nën kujdesin e mjekëve, njofton policia
I riu është plagosur në këmbë.
Ndërkohë, autorë të dyshuar të kësaj ngjarjeje mësohet se janë dy persona, të cilët janë shpallur në kërkim. Nuk dihen ende motivet e kësaj plagosjeje. Në vendin e ngjarjes ndodhen autoritetet policore, që po punojnë për zbardhjen e saj.
Në një njoftim paraprak policia e Tiranës thotë se: “Rreth orës 12:45, në “Selitë“ është plagosur me armë zjarri nga persona ende të paidentifikuar shtetasi M. Sh., 18 vjeç i cili është dërguar për ndihmë mjekësore në spital. Po bëhet krehja e zonës si dhe janë ngritur pika kontrolli në akset rrugore dhe hyrje daljet e kryeqytetit. Po punohet intensivisht për kapjen e autorit/ve.”
a.ç
