Policia e Shtetit ka arrestuar një biznesmen ndërtimi i cili është denoncuar nga disa qytetarë për mashtrim. Raportohet se në pranga ka rënë edhe bashkëshortja e tij.
Bëhet fjalë për biznesmenin Rrapush Hoxholli dhe bashkëshorten, shtetasen Vjollca Hoxholli.
Këta shtetas akuzohen se i shisnin të njëjtin apartament disa personave njëkohësisht duke u marrë shuma të mëdha lekësh.
Kjo nuk është hera e parë që ky biznesmen bie në pranga. Ai është arrestuar për të njëjtën akuzë edhe në vitin 2015 nga policia e Durrësit.
Ndërkohë, bashkëshortja e tij ka përvetësuar 318.580 euro nga një shtetas me inicialet D.S. për shitjen e katër apartamenteve, që në fakt i ishin shitur personave të tjerë më herët.
a.ç
