Një 31-vjeçar është vënë në pranga nga Polici Shkodër, pasi qëlloi më armë në ajër, ndërsa pistoleta dhe municion luftarak, që u gjetën gjatë kontrollit në banesë u sekuestruan.
Pas marrjes së njoftimit se në lagjen “Skënderbeg”, Shkodër, ishte raportuar për të shtëna me armë, uniformat blu kanë organizuar punën dhe kanë shkuar menjëherë në vendin për të cilin ishte raportuar.
Policia bën me dije se në pranga ka rënë Kristjan Ymeri, banues në Shkodër.
Gjatë kontrollit në banesën e këtij shtetasi, u gjetën një armë zjarri pistoletë dhe municion luftarak, të cilat u sekuestruan në cilësinë e provës materiale.
Materialet procedurale iu referuan Prokurorisë Shkodër, për veprime të mëtejshme.
/f.stafa
