Tre në pesë (58,7%) shqiptarë mendojnë se Sali Berisha duhet të tërhiqet nga politika.
Mes qytetarëve shqiptarë, që në zgjedhjet e fundit votuan Partinë Demokratike, situata përmbyset.
Tre nga pesë votues të djathtë (63,2%) mendojnë se Berisha nuk duhet të tërhiqet nga politika.
Vetëm një në tre votues të PD-së (30,8%) është dakord që Berisha të tërhiqet përfundimisht nga politika.
Më shumë se gjysma e shqiptarëve (53,8%) mendojnë se PD nuk vjen më në pushtet me Berishën në krye.
Një në tre shqiptarë (33,8%) mendojnë se Berisha mund ta sjellë sërish në pushtet PD-në.
Mes qytetarëve që në zgjedhjet e fundit votuan PD-në, mbizotëron mendimi se demokratët vijnë në pushtet me Berishën.
Tre në pesë (60,9%) votues të djathtë mendojnë se Berisha e sjell PD-në në pushtet. Më pak se një në tre votues të djathtë (27,8%) nuk e beson këtë.
Më shumë se 65% e votuesve të PD mendojnë se Berisha do fitojë zgjedhjet për kryetar të PD-së. Vetëm 16% e tyre mendojnë se garën mund ta fitojë një kandidat tjetër.
50% e votuesve të djathtë do zgjidhnin Berishën kryetar partie nëse do kishin mundësi të votonin. Vetëm 7,4% e tyre do zgjidhnin ish-kryetarin Lulzim Basha.
Gjetjet janë të Barometrit ne Euronews Albania, kryer nga MBR dhe Data Centrum në nivel kombëtar në datat 25 Mars – 5 Prill me 1000 intervista ballë për ballë.
