Njoftimi i policisë:
Vijon puna për kapjen dhe ndalimin e shtetasve të shpallur në kërkim. Kapet një shtetas i shpallur në kërkim në fushën e narkotikëve! Strukturat Policore të Seksionit për Hetimin e Narkotikëve në Drejtorinë Vendore të Policisë Vlorë, në vijim të punës për kapjen e ndalimin e shtetasve të shpallur në kërkim dhe vënien e tyre para përgjegjësisë ligjore kanë bërë të mundur ndalimin e shtetasit: Ardit Kita, 29 vjeç, lindur në Fier dhe banues në Vlorë.
U krye ekzekutimi i vendimit penal për ndalimin e këtij shtetasi pasi Gjykata e Shkallës së Parë për Krimet e Rënda Tiranë, i ka caktuar masën e sigurisë ”Arrest me Burg”, për veprën penale ”Trafiku i Narkotikëve, kryer në bashkëpunim e mbetur në tentativë”.
Ngjarje e ndodhur më datë 29.01.2017, ku në PKK Durrës, në mjetin kamion i’u gjet dhe i’u sekuestrua një sasi prej 425 kg e 650 gr. lëndë narkotike Cannabis Sativa. Materialet proceduriale iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale ”Trafiku i Narkotikëve, kryer në bashkëpunim e mbetur në tentativë”, të parashikuar nga nenet 283/a/2, 25 dhe 22 të Kodit Penal.
ma.me
