Hetimet e Policisë së Shtetit për tri pakot me pjesë kallashnikovi që u zbuluan të enjten në Rinas kanë cuar ne arrestimin e nje personi dhe nje tjeter eshte shpallur ne kerkim. Burimet bejne te ditur se nga verifikimet ka rezultuar se pakot e mbështjella në formë dhuratash janë postuar nga Durrësi, nga një person, i cili, sipas policise, është venë ne pranga dhe ka emrin Saimir Çulhaj 32 vjec nga Shijaku, ndersa nje tjeter me inicialet N.F i moshes 47 vjec eshte shpallur ne kerkim. Çulhajt nga kontrolli policor iu gjeten edhe 220 grame kanabis cokollate. Autori ka shënuar një emër fiktiv në të tri pakot. Pjesët përbërëse të armëve luftarake janë konstatuar pasditen e së enjtes, në kohën kur po kryhej skanimi i pakove.
Policia shqiptare po vijon në operacion të përbashkët në bashkëpunim me autoritetet angleze. Raportohet se dy shtetet po hetojnë lidhur me zbardhjen e ngjarjes si dhe identifikimin dhe kapjen e autoreve te tjere te perfshire ne kete ngjarje. Pjeset e armeve janë sekuestruar në cilësinë e provës materiale, ndërsa është regjistruar procedim penal me akuzën “trafikim ndërkombëtar i armëve”, i kryer në bashkëpunim, i mbetur në tentativë.
