Një efektiv i Shqiponjave është plagosur këtë mbrëmje në Tiranë, nga një person që po ndiqte.
Mësohet se plagosja ka ndodhur pranë spitalit pediatrik, ndërsa efektivi i është nënshtruar një ndërhyrjeje kirurgjikale, ndërsa ndodhet jashtë rrezikut për jetën.
Raportohet se autori i plagosjes është larguar nga vendi i ngjarjes, ndërsa policia ka nisur punën për identifikimin dhe kapjen e tij.
Sakaq, policia ka zbuluar se efektivi E. A. është plagosur pasi një patrullë e repartit “Shqiponja” e cila ishte në ndjekje të një personi të dyshimtë është qëlluar me armë nga ky i fundit.
Mësohet se efektivi i plagosur është shtetasi Edlir Alleshi, ndërsa patrulla ku bënte pjesë polici ishte duke ndjekur një person të dyshimtë, i cili ka qëlluar me armë.
Njoftim për Mediat
Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjesi i policisë E.A.
Punonjësi i Policisë është në sallën e operacionit ndërsa Policia është vënë në ndjekje të autorit./m.j
