Një ngjarje e rëndë ka tronditur zonën e Maliqit mbrëmjen e kësaj të hëne. Një person është goditur me thikë nga një tjetër, e për pasojë ka ndërruar jetë në spital.
Mesohet se janë përfshirë në konflikt dy fermerë në fshatin Rrëmbec në Maliq. Njëri prej tyre, në rrethana ende të paqarta ka goditur me thikë bashkëfshatarin Nesti Kusari. Ndersa autori i këtij krimi është Velo Azizllari.
Ai është dërguar menjëherë në spital, por nuk ka arritur t’i mbijetonte plagëve të marra.
Deri më tani, nuk dihen ende shkaqet e këtij konflikti, teksa policia ka shkuar në vendngjarje për të vijuar hetimet.
Dyshohet që vrasja të këtë ndodhur për motive të dobëta. Viktima dhe autori janë fqinj. Mësohet se mes tyre ka pasur konflikte të vjetra. Këtë mbrëmje ata janë konfliktuar sërish dhe sherri ka degraduar deri në përdorimin e thikës.
Autori gjithashtu ka marrë plagë dhe ndodhet në spitalin e Korçës ku është arrestuar nga policia./m.j
