Ky që shihni në foton e mësipërme është shqiptari Qamil T., i cili ka vrarë me armë zjarri partneren e tij 19-vjeçare Krisjana B. në zonën e Pireut në Greqi. Fotoja e autorit të krimit të rëndë është bërë publike nga mediat greke.
Sipas informacioneve të bëra publike në mediat greke, viktima Kristjana B. është po ashtu me origjinë shqiptare.
Raportohet se krimi ka ndodhur në orët e para të mëngjesit të së shtunës, kur të dy ishin kthyer në shtëpi pas punëve respektive. Pas vrasjes, autori i vrasjes, shqiptari Qamil T. shkoi vetë në polici dhe u dorëzua.
25-vjeçari shqiptar u tregoi hetuesve se kishte vrarë partneren e tij 19-vjeçare. Në dëshminë e tij ai ka thënë se ishte xheloz për të dashurën. Fillimisht ka patur një sherr mes tyre, sipas raportimeve nga mediat greke që i referohen burimeve policore për dëshminë e 25-vjeçarit. Më pas, e qëlloi dy herë me pistoletë 19-vjeçaren duke e lënë të vdekur në vend.
Sipas informacioneve paraprake, dyshohet se shqiptari ka qenë edhe nën efektin e kokainës kur vrau partneren rumunëve një vit më parë.
Pas vetëdorëzimit të 25-vjeçarit, policia shkoi në banesën e çiftit dhe aty gjeti trupin e pajetë të 19-vjeçares shqiptare. Autori i krimit të rëndë Qamil T. është arrestuar.
Policia greke po heton rrethanat dhe shkaqet e plota të ngjarjes tragjike./m.j
