Një ngjarje e rëndë ndodhi në orët e para të mëngjesit të së dielës në aksin e vjetër rrugor Laç-Mamurras. Një person humbi jetën si pasojë e një aksidenti ndërsa një tjetër mbeti i plagosur.
Viktimë nga kjo ngjarje mbeti Alban Miloti, ndërsa i plagosur Elvis Doçi.
Ky i fundit u dërgua me urgjencë për ndihmë mjekësore në Spitalin e Traumës në Tiranë, nga ku mësohet se ndodhet nën kujdesin e bluzave të bardha jashtë rrezikut për jetën.
Policia paraprakisht dyshon se aksidenti ka ndodhur si pasojë e shpejtësisë tej normave të lejuara.
Siç duket edhe nga pamjet që ka siguruar gazetarja nga vendi i ngjarjes, makina është larguar nga aty. Atje kanë ngelur mbetje të makinës së shkatërruar e cila si pasojë e daljes nga rruga u përmbys në një parcelë.
Aksidenti ndodhi pranë fshatit Gjorm të Kurbinit.
/a.r
