Një grua ka mbetur e vrarë me armë zjarri në afërsi të gjykatës në Elbasan nga burri i saj, ish-polic.
Raportohet se të shtënat janë ndjerë pranë gjykatës ku personi i identifikuar me emrin Koço Buzo ka qëlluar në drejtim të gruas së tij, L.Buzo, 54 vjeçe, duke e lënë të vdekur në vend në mes të qytetit.
54 vjeçarja është dërguar me urgjencë në spital, por mjekët kanë konstatuar se ishte pajetë. Policia ka arrestuar autorin e dyshuar të ngjarjes, i cili ka qenë punonjës policie më herët.
Sakaq, pasi vrau bashkëshorten, Buzo ka qëlluar me armë edhe ndaj një punonjësi policie si edhe avokatit Gëzim Toçila duke i lënë të plagosur.
Pasi shkarkoi të gjithë karikatorin ndaj bashkëshortes dhe punonjësit të policisë, Buzo ka tentuar të largohet nga vendi i ngjarjes por është arrestuar nga forcat e rendit.
Mësohet se çifti ishte në proces divorci, pas mosmarrëveshjeve për motive xhelozie./ b.h
