Një 35-vjeçar shqiptar është esktraduar nga Britania e Madhe në drejtim të Italisë. Mediat italiane raportojnë se bëhet fjalë për Sajmir Orucin, i cili prej nëntorit të vitit të kaluar ndodhej në burg, pasi akuzohej për trafik droge.
Ai ishte i dënuar nga drejtësia me 25 vite burg për veprat penale të përndjekjes, rrëmbim, sulmi i rëndë seksual (përdhunim), dhunë seksuale në grup ndaj një vajze, që në kohën e ngjarjes ishte e mitur.
35-vjeçari zbarkoi nën pranga në aeroportin Linate të Milanos, pasi autoritetet britanike zbatuan urdhrin për ekzekutimin e dënimit të lëshuar nga Zyra e Përmbarimit Penal të Prokurorisë Publike të Monzës.
Ngjarja:
Shqiptari akuzohet se përgjatë viteve 2025-2016, kohë kur ai jetonte dhe banonte në Besana Brizana ka abuzuar seksualisht me një vajzë të mitur.
Për krimet e sipërpërmendura ai u dënua fillimisht me 12 vite e 6 muaj burg, por pas akuzave të reja për vjedhje dhe rezistencë ndaj zyrtarit publik, ndaj tij u mblodhën të dyja dënimet dhe ai u dënua përfundimisht me 25 vite burg
Kapja e tij u bë falë krahasimit të fotografive dhe gjurmëve të gishtërinjve, identiteti i tij u konfirmua.
Urdhri u ekzekutua më 3 Dhjetor, duke çuar në ekstradimin e tij më 19 Dhjetor në Monza.
