Persona të paidentifikuar janë futur në banesën e 54-vjeçarit Sokol Bajgora, për të vjedhur, por kanë përfunduar duke dhunuar pronarin e banesës.
Ngjarja ka ndodhur në fshatin Baltëz të Fierit, ndërsa mësohet se si pasojë e dëmtimeve, Bajgora po merr asistencë mjekësore, në spital, dhe është jashtë rrezikut për jetën.
Me qëllim zbardhjen e kësaj ngjarjeje, bëhet me dije se disa shtetas që po merren në pyetje.
Njoftimi i Policisë:
Në orët e para të mëngjesit të sotëm, në fshatin Baltëz, shtetas ende të paidentifikuar kanë hyrë për të vjedhur në banesën e shtetasit S. B., 54 vjeç, ku kanë ushtruar dhunë ndaj 54-vjeçarit dhe nuk kanë vjedhur asgjë.
Për shkak të dëmtimeve, shtetasi S. B. po merr asistencë mjekësore, në spital, dhe është jashtë rrezikut për jetën.
Në vijim të veprimeve hetimore dhe procedurale për rastin, janë shoqëruar në Komisariatin e Policisë Fier, disa shtetas që po merren në pyetje, me qëllim zbardhjen e ngjarjes.
Gjithashtu, është ngritur një grup i posaçëm hetimor, i cili vijon punën intensive, në drejtimin e Prokurorisë, për zbardhjen e plotë të rrethanave të ngjarjes, si dhe për identifikimin dhe kapjen e autorëve./m.j
