Një tjetër shqiptar gjendet i vdekur brenda burgjeve greke. Bëhet fjalë për Gëzim Shekaj, 33 vjeç nga Vlora. Shekaj është gjetur i varur brenda qelisë së tij në burg, pasi kishte dalë nga spitali i burgut. Një telefonatë ka mbërritur në redaksinë e Report Tv, ku sipas telefonuesit Fisnik Hasi, mjekët e spitalit të burgut i kanë injektuar 4 gjilpëra të riut në harkun kohor të 20 ditëve.
“Shoku im i burgut, Gëzim Shekaj, është gjetur dje i varur. Mjekët grekë i kanë injektuar 4 gjilpëra. Ai është keqtrajtuar në burg. Grekët nuk donin që ai të dilte i gjallë”-është shprehur Hasi, që ka qenë në të njëjtën qeli me të.
Të njëjtin denoncim bën edhe gazetari Shpëtim Zinxhiria, i cili jeton dhe punon në Greqi. Gazetari shkruan se Gëzim Shekaj e kishte përfunduar dënimin dhe priste që të lirohej nga burgu dhe se vdekja ka ndodhur në spitalin e burgut. Ndërkohë që ende nuk ka asnjë reagim zyrtar nga ambasada shqiptare në Greqi, për Shekajn dhe shqiptarët e tjerë që janë gjetur të vrarë gjatë muajve të fundit në Greqi.
Denoncimi i plotë:
I riu nga Vlora rreth moshës 33 vjeç, kishte përfunduar dënimin e tij dhe para 20 ditësh kishte hedhur firmën për të dalë nga burgu. Por, detaje tronditëse rrëfen një i afërm, i cili thotë se përgjatë këtyre 20 ditëve, Gëzimi është injektuar me 4 gjilpëra, me qëllim që ta çonin drejt vdekjes, ku kështu ndodhi.
Në tre muajt e fundit, Gëzimi është i katërti shqiptar që humb jetën në burgjet greke. Alarmant është fakti se lidhur me këtë rast nuk kanë shkruar as mediat greke, ndërsa sipas shqiptarit, policia po tenton të fshehë ngjarjen.
Këto ngjarje ndodhin në një kohë kur në Ambasada jonë në Greqi është kthyer kundër interesave te shtetasve te saj, kur behet fjalë për të tilla vrasje.
Por paralel me hetimet e shtetit shqiptar ndaj kësaj vdekje duhet te hetohet njëkohësisht edhe indiferentizmi dhe sjellja e kësaj ambasade ndaj familjeve të viktimave dhe gazetareve shqiptar. Kemi 4 vetvrasje ne burgjet greke dhe 9 vrasje te ndryshme…
Per kete vit numri i viktimave shqiptar shkon ne 13-te
Koridalo të Athinës.
/a.meta
