Policia e Elbasanit ka finalizuar operacionin e koduar “Bradasheshi”, ku është sekuestruar 7 kg lëndë narkotike Cannabis Sativa në formë çokollate në një makinë. Në kuadër të këtij operacioni është arrestuar Artur Gjolena, 37 vjeç, banues në Tiranë si dhe është shpallur në kërkim V.K., 45 vjeçe, banuese në Laç për moskllëzim krimi.
“Specialistët për Hetimin e Narkotikëve kishin marrë informacion se në aksin rrugor Peqin-Elbasan, ky shtetas po trasportonë një sasi lëndë narkotike për ta shitur, ku gjatë kontrollit të ushtruar në mjetin e tij me targa TR 3692 J, shërbimet e policisë gjetën dhe sekuestruan në cilësinë e provës materiale, 7 kilogramë lëndë narkotike Cannabis Sativa në formë çokollate”- thuhet në njoftimin e policisë.
Materialet i kaluan Prokurorisë pranë Gjykates së Shkallës së Parë Elbasan, për veprat penale “Prodhimi dhe shitja e lëndëve narkotike”, ” Drejtimi i automjeteve në mënyrë të parregullt” të parashikuar nga nenet 283, 291 të Kodit Penal në ngarkim të shtetasit Artur Gjolena, dhe për veprën penale “Moskallëzimi i Krimit” të parashikuar nga neni 300 i Kodit Penal në ngarkim të shtetases V.K.
ma.me
