Policia e Tiranës ka ndaluar një person të dyshuar për vrasjen e Dëfrim Kasmit mbrëmjen e së hënës. Zyrtarisht policia thotë se i ndaluari është me iniciale M.M., i dyshuar si bashkëpunëtor në vrasjen e 41-vjeçarit. ABC News thotë se ai është Mario Meshini.
Hetimet për atentatin mafioz janë kategorizuar si vrasje me paramendim dhe armëmbajtje pa leje e kryer në bashkëpunim. Për këtë ngjarje, një ditë më parë policia shpalli në kërkim Domart Konjarin, të dyshuar si bashkëpunëtor në vrasje, ekzekutor direkt ose porositës. Hetimet janë fokusuar në pistën e hakmarrjes dhe pazareve të drogës.
Dëfrim (Devi) Kasmi dhe Domart Konjari janë të përfshirë në trafikun e kokainës në Spanjë dhe në Francë. Lufta për kontroll territoresh në Evropë dhe konfliktet e hershme mendohet se mund të jetë shkaku i vrasjes së 41-vjeçarit Kasmi.
a.ç
