Mediat serbe pretendojnë se anëtarët e Agjencisë vendase për Siguri dhe Informacion, BIA, kanë zbuluar dhe shkatërruar një rrjet spiunazhi në territorin e Serbisë.
Ato citojnë agjencinë e lajmeve Tanjug të pohojë se ka mësuar jozyrtarisht se një person është arrestuar nën dyshimin e bashkëpunimit me Shërbimin Informativ Shtetëror të Shqipërisë.
Një shtetas serb, i cili punon si ekspert IT është arrestuar pasi akuzohet për spiunazh ndaj Shërbimit Informativ të Shqipërisë.
Mendohet se ky person, sipas të njëjtës media, ka mbledhur informacione për pjesëtarë të caktuar të shërbimeve serbe të sigurisë si dhe për serbet nga Kosova e Metohija, siç thuhet aty, lidhur me urdhrat për angazhimin e tyre gjatë situatave të krizës në veri të Kosovës, gjatë protestave dhe ngritjes se barrikadave. Në disa raste, ai thuhet të ketë filmuar lëvizjet e forcave serbe të sigurisë në zonë e Rashkës.
Teksa lajmin e kanë bërë të ditur mediat serbe, sipas të cilave, nga hetimet dhe mbledhja e provave materiale ndaj D.R, pjesëtarët e BIA-s gjetën një aparat fotografik dhe një panel diellor që furnizonte kamerën, si dhe një kartë SD.
Ai dyshohet se ka spiunuar në Serbi për Shërbimin Informativ të Shqipërisë (SHISH). Kamera dhe paneli diellor janë gjetur në afërsi të fshatit Karadak, afër Rashkës.
Me kamerën e lartpërmendur, i dyshuari D.R ka filmuar lëvizjet e forcave të sigurisë serbe, kryesisht të njësive të Forcave të Armatosura të Serbisë. Po ashtu thuhet se anëtarë të BIA-s zbuluan dhe shkatërruan një tjetër rrjet spiunazhi në territorin e vendit Serbisë.
Dyshohet se që nga viti 2022, D.R, me një rrjet bashkëpunëtorësh të tij, për Shërbimin Informativ Shtetëror të Shqipërisë, SHISH, ka mbledhur të dhëna për anëtarët individualë të shërbimeve të sigurisë të Serbisë dhe serbët nga Kosova e Metohija.
Sipas mediave serbe, ai në disa raste ka filmuar edhe lëvizjet e forcave të sigurisë serbe në zonën e komunës së Rashkës./m.j
Para disa muajsh sherbimi sekret Rus informoi Kinezet se ministri i jashtem Kinez ishte agjent Amerikan dhe se ne raketat balestime te Kines ne vend te lendes djegese kishte uje.nje skenar i tille do jete bere dhe ketu Ruset me agjentet e tyre brenda ne Shqiperi i dhane kete informacion Serbeve.Ruset mund te marin informacione per Shqiperine edhe nga Amerikanet