Arrestohet një shpërndarës droge në Tiranë.
Klajdi Lula 27 vjeç, është arrestuar nga policia e komisariatit nr.2 në Tiranë. I riu dyshohet se shpërndante lëndë narkotike të llojit kokainë në zona të ndryshme të Tiranës.
Policia organizoi një operacion për kapjen e të riut në zonën e bulevardit “Bajram Curri” dhe nga kontrolli i gjeti në makinë doza kokaine si edhe një shumë të konsiderueshme parash.
Nga veprimet hetimore të kryera ka rezultuar se ky shtetas, pasi siguronte lëndën narkotike kokainë, e ndante atë në porcione të vogla, të cilat i shiste më pas, në zona të ndryshme të Tiranës.
Ndaj tij është ngritur akuza për veprën penale “Prodhimi dhe shitja e narkotikëve”.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
/a.r
