Albana Ferraj, 48 vjeçe është arrestuar nga policia pasi ishte shpallur në kërkim për përfitimin e shumës 132 mijë euro si ryshfet për të favorizuar një kompani italiane për një tender të zhvilluar në vitin 2016.
Ferraj, e cila kishte postin e drejtoreshës së kabinetit pranë OSHEE, ishte arkëtuesja e ryshfetit nga kompania italiane “Com Metodi” s.p.a me seli në Milano.
SPAK i ka caktuar masën e sigurisë “Arrest në burg”, për veprat penale “Korrupsioni pasiv i personave që ushtrojnë funksione publike” dhe “Pastrimi i produkteve të veprës penale ose veprimtarisë kriminale”.
Albana Ferraj, ish-drejtoreshë e kabinetit pranë OSHEE ra në pranga sot pas 2 vitesh në arrati. Ajo akuzohet për favorizimin e kompanisë italiane për të marrë tenderin në vitin 2016. Aso kohe, përdori kompaninë e saj për të përfituar ryshfetin 132 mijë euro në tenderin e dhënë nga OSHEE.
Ferraj krijoi një marrëdhënie fiktive midis saj dhe kompanisë italiane duke përdorur një shoqëri të tretë me seli në Shqipëri për të fshehur natyrën e kundraligjshme të këtyre parave që përfitoi përmes korrupsionit pasiv me kompaninë “Com Metodi” s.p.a ./m.j
