Policia e Krujës ka arrestuar dy persona, ndërsa ka shpallur në këkrim një të tretë, si të dyshuar për vjedhjen e një dyqani mishi.
Në pranga kanë rënë Dritan Haka 34 vjeç dhe B. Sh 17 vjeç, ndërsa është shpallur në kërkim F.H. 24 vjeç. Të tre personat janë banorë të fshatit Zezë.
“Shtetasit e mësipërm, më datë 04.04.2017, gjatë natës, në fshatin Nikel, Krujë në bashkëpunim me njëri-tjetrin kanë vjedhur me thyerje dyqanin e mishit në pronësi të shtetasit G.M. 25 vjeç, ku kanë marrë rreth 90 000 lekë mish”.
Gjatë kontrollit të ushtruar në banesat e tyre e të arrestuarve dhe në mjetin tip Golf në pronësi të shtetasit Dritan Haka u gjetën disa mbetje të produktit të mishit.
Policia thotë se “autorët kanë penguar, kundërshtuar dhe kanosur punonjesit e policisë në kryerjen e detyrës”.
Sipas bluve, këta shtetas janë persona me precedent penale të mëparshëm në fushën e veprave penale kundër pronës.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Vjedhja”në bashkëpunim, “Kanosja”dhe” Kundërshtimi i punonjësit të policisë së rendit publik”./oranews
a.ç
