Zbardhet dinamika e aksidentit të rëndë ujor në zonën e Shënginit sot (20 gusht), mes Rrjollit dhe “Ranës së Hedhun”.
Detaje të reja janë zbardhur pas hetimeve policore, si dhe identiteti i të riut që humbi jetën dhe shokut të tij që u plagos. Mësohet se nuk ka qenë përplasje mjetesh lundruese, por vetëm një prej tyre që duket se është bërë skenë ngjarjeje.
Viktima është identifikuar si Klaus Gjergji ndërsa i plagosuri Uran Marku.
Nga informacionet paraprake mësohet se në gomone kanë qenë një grup të rinjsh, ndërsa dy prej tyre kanë rënë prej mjetit lundrues.
Ata janë prerë nga helika e gomones, duke rezultuar fatale për njërin prej tyre, dhe duke lënë të plagosur tjetrin. Në vijim pritet që policia të sqaroje detajet e plota të ngjarjes së rëndë.
