Strukturat e Policisë së Vlorës kanë bërë të mundur kapjen dhe ndalimin e dy shtetasve të shpallur në kërkim, të dyshuar për kryerjen e veprave penale “Plagosje e lehtë me dashje” dhe “Plagosje e rëndë me dashje”. Shtetasit janë Kleris Haxhiraj, 26 vjeç, banues në Kërkovë, Vlorë dhe Elmas Velaj 47 vjeç, banues në Vlorë.
47 vjeçari Velaj me 07.12.2017 në lahjen “Uji i Ftohtë” ka plagosur me armë zjarri shtetasin Duro Çaushaj. Shkak i plagosjes së pronarit të një lokali në zonën e “Ujit të Ftohtë” ka qënë një tavolinë e mbetur e papaguar, kërkimi i parave si formë borxhi i mbetur ndaj lokalit, duket se nuk është pritur mirë nga klienti i përhershëm, i cili, gjatë debatit me tone të larta, ka nxjerrë një armë zjarri, tip pistoletë, duke qëlluar në drejtim të Duro Çaushaj duke e plagosur në këmbë.
Gjykata e Rrethit Gjyqësor Vlorë ka vendosur masën “Arrest me burg” për të dy të dyshuarit, parashikuar nga nenet 88/1 dhe 25 dhe 89 dhe 278/1 të Kodit Penal.
ma.me
