Konkursi per graden Komisar ne Policine e Shtetit u zhvillua më datë 12 nëntor por kandidatët kanë ankesa për vonesën e shpalljes së rezultateve, pasi pikët që kishin grumbulluar u afishuan 4 ditë pas testimit. Vetëm 50 pyetjet e para që ishin me alternativa u korrigjuan me “Skantron”, ndërsa 50 pyetjet me shtjellim, sipas tyre kanë vlerësim të dyshimtë. Pak minuta para nisjes së konkursit, ka ndryshuar formati i testit. Ishin po aq, 100 pyetje, por vetëm 50 ishin me alternativë, ndërsa 50 të tjerat me shtjellim.
Një përgjigje e saktë me alternativa, vlerësohej me 0.8 pikë. Pra, llogaritet që për 50 pyetje të sakta me alternativa, kandidati vlerësohej me 40 pikë, ndërsa për 50 të tjerat me shtjellim, me 60. Ndërkohë, me këtë lloj formati korrigjimi elektronik me aparaturën “Scantron” del jashtë funksioni. Pasi kjo aparaturë njeh vetëm pyetjet me alternativa. Megjithatë, nëse kjo konsiderohet apo jo parregullsi, mbetet për t’u parë me ndonjë urdhër tjetër. panorama/ ma.me
