Gjashtë biznesmenë janë arrestuar nga policia pasditen e sotme, ndërsa pesë të tjerë janë shpallur në kërkim. Ata akuzohen për mashtrim me skemën e TVSH, ndërsa dëmi llogaritet në 9 mln dollarë nga kreditimi. Arrestimet janë bërë pas lëshimit të urdhrit nga prokurori Ndini Tavani, ndërsa biznesmenët janë nga fusha e ndërtimit, karburanteve, etj. Një pjesë e biznesmenëve që janë arrestuar janë emra të njohur për publikun.
Të 11 biznesmenët që janë nga Tirana akuzohen se lëshonin fatura fiktive. Nga kontrolli i banesave të biznesmenëve që janë arrestuar janë gjetur dokumente të vlefshme për hetimin. Në sitën e hetimit janë në total 50 biznese mes tyre dhe përftuesit e TVSH. Duke qenë se operacioni është masiv, në orët në vijim pritet që të ketë zhvillime të tjera.
Të arrestuar deri tani;
Dhimitraq Çelo
Bujar Morataj
Shkëlqim Hasani
Ruzhdi Murataj
Nevroz Lami
Indrit Sulaj
Në kërkim janë;
B.Gj
M.M
A.B
S.K
E. Sh
