Partia Demokratike ka dalë kundër anëtarëve të zgjedhur të KLP dhe KLGJ, të zgjedhur një ditë më parë nga komisioni Ad Hoc. Deputeti Oerd Bylykbashi deklaroi në një dalje për media se 10 emrat e përzgjedhur për KLP dhe KLGJ jo vetëm janë njerëz të afërt të kryeministrit Edi Rama, por kanë dhe probleme të rënda me ligjin.
“Kandidatura në KLGJ/KLP me afilacion të pastër politik, në shumicën e tyre janë në kundërshtim me kriteret e Kushtetutës dhe ligjit, disa janë të skualifikuar nga ONM. Procesi është tërësisht i delegjitimuar. PD nuk kishte dyshim se 10 emrat jo vetëm do të ishin të afërt me kryeministrin Rama, por me probleme të rënda me ligjin dhe Kushtetutën, rrjedhimisht e papranueshme”, tha Bylykbashi.
Pretendimet e PD:
Kandidati i emëruar nga shoqëria civile, Altin Hazizaj, ka depozituar në Kuvend një deklaratë, ku deklaron se nuk ka qenë i dënuar. Kjo pasqyron të dhëna të rreme, sepse ai është i dënuar dy herë me vendim penal për kryerjen e një vepre penale. Dokumenti nga sekrori i dekriminalizimit per Altin Hazizaj eshte dorezuar ne kuvend por eshte fshehur per anetaret e opozites. Ai duhej te ishte skualifikuar. Kjo e ben listen te pavlefshme
Sokol Lamaj nga KLGJ, nuk ka paguar tatimet. Sokol Lamaj nuk ka vërtetimin për shlyerjen e detyrimeve tatimore, që është shkelje flagrante për kriteret e kandidatëve që vijnë nga avokatia. Ndaj tij janë marrë masa administrative për mospagesën e rregullt të tatimeve. Ky është kriter ndalues për kandidatët. Edhe ky kandidat e deligjitimon listën
Ilir Panda nga pedagogët, ONM ka konstatuar se Ilir Panda ka qenë i përfshirë në nivele të larta politike, çka ligji e ndalon.
Nga KLP, Kozma Jano, ish-bashkëpunëtor i Sigurimit të Shtetit. Kozma Jano nga radhët e avokatëve, nga dokumentacioni që i është fshehur opozitës, rezulton se Kozma Jano i datëlindjes 1956 ka qenë bashkëpunëtor i sigurimit të shtetit me pseudonimin “telefoni”. Kozma Jano ka qene kryetar i Partise Komuniste dega Lushnje dhe ne 2011 ka qene kandidat ne zgjedhjet lokale ne listen e keshilltareve. Kjo e dhene eshte ne faqen e KQZ.
Alfred Balla, nuk është i angazhuar në 5 vitet e fundit në Shoqërinë Civile. Ndërkomëbtarët kanë konstatuar se platforma e tij është plagjiaturë e një platforme tjetër. Ky kandidat nuk ka integritet të lartë. Për këtë arsye, vëzhguesit ndërkombëtar nuk duhet të merret në konsideratë.
ma.me
