Dy shtetas pakistanezë kanë përfunduar në pranga në Greqi, pasi akuzohen se kishin organizuar një sulm terrorist.
Në prangat e Policisë greke përfundoi 27-vjeçari Hayder, i cili jetonte në Zakynthos, 29-vjeçari Husein, i cili ishte zhvendosur në Spartë, ndërsa urdhërat i merrte nga një bashkatdhetar, i cili jetonte në arrati, në Teheran.
“Protothema.gr” zbulon fotot e dy të arrestuarve që planifikonin të gjakosnin sinagogën hebreje në Psirri.
Të arrestuarit kishin krijuar një marrëdhënie përmes të burgosurve nga Pakistani, por kishin vënë edhe shqiptarë në kërkim të armëve që do i përdornin për sulmin.
Si pergatit plani?
Një sulm terrorist është shmangur në Greqi pasi policia ka arrestuar dy shtetas pakistanezë.
Hayder dhe Husein janë dy të arrestuarit që po planifikonin të sulmonin sinagogën izraelite në Psirri. Në mediat greke thuhet se këta shtetas kishin krijuar marrëdhënie me kriminelë nëpër burgje, me bashkatdhetarë dhe me shqiptarë për sigurimin e armëve dhe vrasësve profesionistë.
Para se të niseshin për të kryer sulmin, pakistanezët kishin diskutuar me njëri-tjetrin për numrin e personave që do vrisnin. Problemi i madh me të cilin u përballën ishte gjetja e njerëzve të besuar në fushën kriminale për t’i dorëzuar armët tek ata pasi ata ishin nën presion nga lideri i tyre në Teheran për të vepruar shpejt dhe për të mos humbur kohë. Ata do paguheshin me nga 15 mijë euro për çdo viktimë, prandaj synonin të vrisnin sa më shumë persona që të ishte e mundur./m.j
