Në shkurt të këtij viti, Ambasada Amerikane në Tiranë foli për herë të parë rreth një liste politikanësh e biznesmenësh të cilëve u është refuzuar viza drejt SHBA.
Bëhet fjalë për plot 170 emra që sipas ambasadës rezultojnë si të lidhur me korrupsionin, shkruan JavaNews.al
Kjo listë, sipas sqarimit të selisë diplomatike, u takon dy viteve të fundit. Ndërsa mediat kanë konfirmuar se në të bëjnë pjesë edhe gjyqtarë e prokurorë.
Emri i ish-kryeprokurorit Adriatik Llalla u bë publik i pari, si një person i padëshiruar për Uashingtonin. Ndërkohë që Zëri i Amerikës në maj të këtij viti e surprizoi Monika Kryemadhin teksa ia tha LIVE se Petrit Vasilit i është refuzuar viza.
Në listë mendohet të jetë edhe ish-kryeministri Berisha, raporton JavaNews. Ky i fundit ka refuzuar t’i përgjigjet provokimit të Ramës në sallën e Kuvendit teksa u pyet nëse e kalon dot oqeanin.
Sipas Top Channel, emrat e njerëzve të drejtësisë që nuk marrin dot vizë amerikane janë:
Vitore Tusha
Besnik Imeraj
Gani Dizdari
Mirela Fana
Artan Broci
Adriatik Llalla
Rovena Gashi
Dritan Gina
Artan Lazaj
Saimir Bahiti
Elfrida Agolli
Petrit Fusha
Ndërsa nga politika, publike tashmë janë emrat e Petrit Vasilit, Tom Doshit dhe Vangjush Dakos. Ndërsa mbi Berishajt ka ende pikëpyetje përderisa nuk kanë tentuar të aplikojnë.
