Këshilli i Lartë i Prokurorisë ka zgjedhur drejtuesit e rinj të organit të akuzës.
Kështu KLP votoi unanimisht, duke komanduar Altin Dumanin përkohësisht drejtues në Prokurorimë e Apelit për Krimet e Renda.
Me 7 vota pro, 4 kundër, u miratua caktimi i prokurorit Ardjan Nezha në Prokurorinë e Pukës. Ndërsa, Rozeta Qirjaqi u komandua drejtuese në Prokurorinë e Apelit Korçë.
Në mbledhje e sotme KLP ka votuar unanimisht edhe për 6 prokurorët që do mbajnë postin e këshilltarit.
Kështu, bëhet e ditur se këshilltarët pranë KLP janë komanduar: Arjan Mucaj, Mihallaq Bleta, Vitjuna Mata, Ornela Rrumbullaku, Artur Cara dhe Mirela Kapo.
Ndërkaq, në mbledhjen e sotme pa kamera të KLP do të diskutohet edhe kërkesa e PD dhe LSI për shkarkimin e kryeprokurores Arta Marku, e cila u zgjodh si e përkohshme por vazhdon të qendrojë në krye të Prokurorisë së Përgjithshme.
E.Xh./
