Drejtori i IVMT në bashkinë e Kurbinit, Jetmir Mzhika dhe ish-drejtori i IKMT-së në Lezhë, Flori Gjini janë njohur këtë të mërkurë me rivlerësimin e masës së sigurisë të dhëne në mungese ndaj tyre.
Prokurori Sabri Kastrati i qëndroi kërkesës “arrest me burg”.
Gjykata pranoi kërkesën dhe la në fuqi masën e sigurisë “arrest me burg” për drejtorin e IVMT Jetmir Mzhika dhe “arrest shtëpie” për ish-drejtorin e IKMT Lezhe Flori Gjini.
Në Gjykatë ditën e sotme u paraqitën edhe tre inspektorët e IVMT-të të pezulluar nga detyra.
Ata kërkuan rikthimin në punë, kërkesë e cila nuk u pranua dhe u la në fuqi pezullimi.
Ndaj tyre rëndon akuza e “shpërdorimit të detyrës” pasi kanë lejuar ndërtimin e një objekti pa leje në Patok.
Zyrtaret e IVMT-se dhe ish kreu i IKMT akuzohen për “Shpërdorim Detyre”, pasi sipas prokurorisë me mosvreprimet e tyre kanë lejuar ndërtimet pa leje në zonen e mbrojtur të Patokut.
Bëhet fjalë për kompleksin e ‘Royal blue’ në pronësi të Gëzim Çelës, I njohur dhe si baron droge, tashmë prej muajsh i arrestuar./m.j
