Pekini ka njoftuar se do të lejojë hyrjen pa viza në vend të shtetasve të Francës dhe katër anëtarëve të tjerë të Bashkimit Europian. Ky vendim u njoftua gjatë një vizite të ministres së Jashtëm franceze ne Pekin.
Misioni i Catherine Colonna është përpjekja më e fundit e një fuqie evropiane për të trajtuar marrëdhëniet e tensionuara të cilat janë shkak i mosmarrëveshjeve tregtare midis Brukselit dhe Pekinit.
Kina njoftoi vendimin të premten, teksa shprehu edhe përpjekjen për të inkurajuar më shumë njerëz të vizitojnë vendin për biznes gjithashtu edhe për turizëm.
Nga 1 dhjetori, qytetarët e Francës, Gjermanisë, Italisë, Holandës dhe Spanjës do të lejohen të hyjnë në Kinë deri në 15 ditë pa vizë. Vendimi është shtrirë edhe në Malajzi, dhe është një ofertë e cila do të zgjasë për një vit.
