Detektivët britanikë që po hetojnë vrasjen e një 37 vjeçari shqiptar, kanë paditur zyrtarisht me akuzën e vrasjes, 21 vjecarin Kozma Papa, i cili banon në afërsi të qytetit të Bristolit, në jugperëndim të Anglisë.
Kozma Papa, i cili banon në afërsi të qytetit të Bristolit në jugperëndim të Anglisë, akuzohet për vrasjen e 37-vjeçarit Bledi Petraj.
Autori i akuzuar, Kozma Papa, 21 vjeçar ka dalë sot përpara një gjykate në Londër. Polica, e cila është duke hetuar ngjarjen, ende nuk e ka dhënë emrin e viktimës, as edhe motivet e mundshme të kësaj vrasjeje.
Familja e viktimës është njoftuar nga policia dhe ajo po e ndihmon emocionalisht për të tejkaluar këtë humbje. Kryedetektivja e Police Metropolitane Caroline Hanies, ka thënë se po punojmë me organizatat partnere, për të mësuar saktësisht se çfarë ka ndodhur dhe kush është përgjegjës.
Ndërkohë Scotland Yard thotë se kushdo që ka qenë dëshmitar i incidentit, që ka filmime nga kamerat e makinave apo te shtëpive do duhet të ndihmojë dhe lajmërojë menjëherë policinë. Edhe pse policia nuk e ka dhënë identitetin e viktimës,
Mesohet se ai është me origjinë nga Selnica e Vlorës dhe vjen nga një familje e cila më parë ka qenë në emigracion në Greqi, dhe që momentalisht jetojnë në qytetin bregdetar të Southendit, në juglindje të Anglisë./m.j
