Caktohen emrat e 5 anëtarëve të Nënkomisionit ad hoc të përzgjedhjes së anëtarëve të KLGJ dhe KLP
Oerd Bylykbashi është caktuar nga Partia Demokratike në cilësinë e Nënkryetarit dhe anëtarit të Nënkomisionit ad hoc të përzgjedhjes së anëtarëve të KLGJ dhe KLP
Emri është dërguar në Komisionin parlamentar për Cështjet Ligjore. Ndërsa nga LSI është caktuar Nasip Naço.
Ndërkohë nga PS do të jenë Ulsi Manja, Vasilika Hysi dhe Klotilda Bushka
Nënkomisioni ad hoc i përzgjedhjes së anëtarëve të KLGJ dhe KLP do të përbëhet nga 5 anëtarë, tre deputetë të maxhorancës dhe dy nga radhët e pakicës parlamentare.
Më herët, në Komisionin e Ligjeve u miratua rregullorja për përzgjedhjen e anëtarëve të Këshillit të Lartë të Prokurorisë dhe të Këshillit të Lartë Gjyqësor.
Miratimi për funksionimin e komisionit ad-hoc, që do të përzgjedhë anëtarët për këto dy organe të rëndësishme të parashikuar nga reforma në drejtësi është bërë vetëm me votat e mazhorancës.
Opozita ishte e pranishme në seancën e Komisionit të Ligjeve, por zgjodhi të abstenojë në momentin e votimit.
