Një ngjarje e rëndë raportohet të ketë ndodhur mesditën e kësaj të marte në fshatin Gjaze në Lushnjë, ku babai ka qëlluar me thikë djalin e tij.
Ngjarja ka ndodhur rreth orës 18:00, ku 39-vjeçari Nari Plaka, 39 vjeç, dyshohet se është dëmtuar me thikë, nga babai i tij, Bashkim Plaka, 69 vjeç, gjatë një konflikti mes tyre. Si fillim djali ka tentuar të fshehë ngjarjen kur ka mbërritur në spital, ku dhe i është nështruar operacionit.
Për ndihmë mjekësore në spital më pas paraqitur edhe Bashkim Plaka pasi nga konflikti ka marrë dëmtime fizike në pjesën e fytyrës.
Lushnjë/Informacion paraprak
Rreth orës 18:00, në spitalin e Lushnjës, është paraqitur për ndihmë mjeksore shtetasi N. P., 39 vjeç, i cili dyshohet të jetë dëmtuar me mjet prerës (thikë), nga babai i tij, shtetasi B. P., 69 vjeç, gjatë një konflikti mes tyre.
Grupi hetimor po punon për sqarimin e rrethanave të ngjarjes./m.j
