Identifikohen dy personat e tjerë që mbetën të vrarë në atentatin në Fushë-Krujë pasditen e kësaj të diele.
Raportohet se bëhet fjalë për shtetasit Besmir Hoxha dhe Brilant Martini. Sipas policisë, ata u ekzekutuan me breshëri automatiku brenda mjetit ku udhëtonin.
Më pas makina është përfshirë nga flakët dhe të dy këta persona u dogjën brenda automjetit. Ndërkohë, personi i tretë, i identifikuar si Diklen Vata arriti të dalë nga automjeti, por për shkak të plumbave të marra, nuk arriti të mbijetonte.
Mësohet se 3 viktimat po udhëtonin me makinë në drejtim të Mamurrasit, kur një automjet tjetër, i është afruar paralel nga ku është qëlluar me breshëri kallashnikovi.
/e.d
