Shkatërrohet një tjetër bandë italo-shqiptare në fushën e trafikut të drogës në vendin fqinj. Arrestimet janë ekzekutuar në Firenze, Pistoia dhe Pisa. Policia arrestoi nëntë persona, nga të cilat shtatë janë shqiptarë dhe dy italianë.
Ata akuzohen për trafik kokaine dhe marijuanë. Katër nga shqiptarët e arrestuar në kuadër të operacionit “Sabbia 2 ” janë; Lulezim Shkurtaj, Eduart Tahiraj, Floriand Tahiraj dhe Robert Lazaj. Mediat italiane kanë publikuar fotot e tyre dhe skemën si funksionte banda kriminale.
Hetimet u kryen gjatë periudhës tetor 2018 – mars 2019 nga ku u zbuluan takimet dhe bisedat mes Valerio Navarra, pjesë e Ndrangheta-s dhe Robert Lazajt për dërgesat e sasive të ndryshme të drogës në Kalabri. Në kohë të ndryshme gjatë disa operacioneve këtij grupi i janë sekuestruar sasi të konsiderueshme marijuane që ishte trafikuar nga Shqipëria dhe kokaine.
/a.r
