Empatia mund të përkufizohet si aftësia për të kuptuar me të vërtetë ndjenjat e të tjerëve.
Është aftësia për të vënë veten në vendin e dikujt tjetër, për të qenë të vetëdijshëm për emocionet dhe perspektivat e tyre. Njerëzit zakonisht bëhen më empatikë pasi kalojnë vështirësi dhe dhimbje. Është më e lehtë të kuptosh se çfarë po kalon dikush tjetër kur ju keni përjetuar diçka të ngjashme.
Megjithatë, ne jemi vërtet empatikë kur jemi thjesht të ndjeshëm ndaj asaj se si ndihen njerëzit e tjerë.
Për shembull, nuk duhet domosdoshmërisht të humbasim dikë për të kuptuar se sa e dhimbshme mund të jetë.
Empatia është diçka që mund të mësohet. Të rriturit mund t’i ndihmojnë fëmijët të zhvillojnë nivele më të larta ndjeshmërie duke i ekspozuar ndaj botëkuptimeve të ndryshme dhe duke i mësuar të jenë të sjellshëm, bujarë, të durueshëm dhe falës.
Të mësosh se si të kujdesemi për të tjerët është thelbësore për zhvillimin tonë personal dhe për krijimin e marrëdhënieve të shëndetshme dhe kuptimplote.
Të qenit empatik është një përbërës kyç për ta bërë botën rreth jush një vend më të mirë dhe për t’u bërë personi më i mirë që mund të jeni.
“Empatia nuk ka skenar. Nuk ka asnjë mënyrë të drejtë apo të gabuar për ta bërë atë. Duhet thjesht të dëgjosh, të mbash hapësirë, të mos e gjykosh, të lidhesh emocionalisht dhe të komunikosh atë mesazh jashtëzakonisht shërues të “Ti nuk je vetëm”. Brene Brown
P.s: Empatia konsiderohet thelbësore për psikologët pasi në çdo teknikë terapeutike terapisti duhet të bëjë që personi në trajtim të ndihet i kuptuar….
Përgatiti Rudina Koromani, Psikologe Klinike
