Gazetari Artan Hoxha në emisionin Java në RTSH bëri të ditur se policia ka marrë masa dhe ka kaluar në gjendje të lartë gadishmërie në lidhje me protestën e opozitës nesër. Sipas tij, organizatorëve u është kërkuar që të ndihmojnë policinë.
“PD ka një grup personash që shërbejnë si tampon mes policisë dhe protestuesve. Opozitës vetë nuk i intereson konflikti. I është kërkuar PD që të bëj kujdes me LSI. Policia dhe protesta do monitorohen nga ekspertët ndërkombëtarë të sigurisë”, ka deklaruar Hoxha.
Ndërsa analisti Preç Zogaj u shpreh se sipas burimeve nga shtabet e partive të opozitës pritet që nesër të ketë pjesëmarrje masive. Sipas tij, do të ketë pjesëmarrje të madhe nga Tirana kryesisht, si dhe nga rrethet.
Deputetja e LSI Kërpaçi u shpreh se qeveria ka vepruar me dy standarde. Rama sipas saj, favorizon oligarkët dhe ka braktisur njerëzit e thjeshtë që vuajnë.
