Ka dështuar edhe njëherë seanca ndaj Emiliano Shullazit, i cili akuzohet për gjobëvënie ndaj biznesmenit Ylvi Beqja. Shullazi akuzohet se i ka marrë nëpërmjet kërcënimeve mbi 500 mijë euro dhe 30 % të “Vollgës” në Durrës.
Shkak i shtyrjes së senacës së fundit është bërë një problem shëndetësor i Shullazit. Mësohet se ai nuk u paraqit në seancë pasi ka bërë një ndërhyrje të vogël kirurgjikale. Nuk dihet ende lloji i ndërhyrjes dhe gjendja shëndetësore e Shullazit.
Në seancë mungonte edhe avokati të akuzuarit tjetër për çështjen, Gilmando Dani. Në këtë situatë, ballafaqimi mes grupit të Shulalzit dhe biznesmenit ka dështuar për të 10-ën herë.
Avokatët mbrojtës të Shullazit dhe Danit nuk kanë pranuar kryerjen e ballafaqimit. Ndëkrohë, mungesa e avokatëve është kthyer problem pasi avokatët kryesisht nuk kanë pranuar të ndjekin çështjen për shkak të frikës./a.m.
