Një emigrant shqiptar është dhunuar sot në Xhenova të Italisë nga disa të rinj.
Lajmi bëhet i ditur nga mediat italiane sipas të cilave, shtetasi shqiptar, identiteti i të cilit nuk bëhet i ditur, zbriti nga treni në gjendje të dehur.
Ai kërkoi ndihmën e disa të rinjve për orjentim, por në vend të kësaj mori grushte dhe shqelma dhe kërcënime me një copë xhami.
Atij iu grabitën 40 euro dhe celulari që kishte me vete. Si pasojë e plagëve të marra nga goditjet, shqiptari është transportuar në spital, ku mjekët i dhanë një prognozë shërimi prej 12 ditësh.
Por duket se shqiptari është treguar i zgjuar, pasi i dha policisë një “smartphone” që i kishte rënë nga xhepi një prej të rinjve që e sulmuan atë. Nëpërmjet tij, policia gjurmoi sulmuesin, një 18-vjeçar italian i cili është nën hetim në gjendje të lirë. /b.d
