Një emigrant shqiptar mendoi se bëri gjënë e duhur, kur ndaloi në Gomsiqe të Pukës, për të marrë në makinën e tij një qytetar nga Tirana.
Por gjithçka ka shkuar për keq, pasi Emirjon Nikja i ka marrë me forcë portofolin ku shtetasi M.N kishte rreth 250 euro, dokumentet dhe 1500 lekë të reja.
Ngjarja ndodhi më 24 gusht dhe që nga ajo ditë policia ka qenë në kërkim të 20 vjeçarit nga Tirana që vodhi emigrantin. Këtë të enjte, policia e Tiranës ka arrestuar të riun. Mësohet se 20 vjeçari Emirjon Nikja nuk e kishte kryer për herë të parë krimin e vjedhjes.
NJOFTIMI:
Me datë 24.08.2017, është paraqitur për të bërë kallzim shtetasi M. N, banues në Vau Dejës (emigrant) i cili ka deklaruar se në Gomsiqe, Pukë ka qënë duke udhëtuar me mjet, ku në momentin që ka ndaluar, një shtetas i pa identifikuar, të cilin e kishte marrë pasagjer i ka marrë me forcë portofolin, në të cilin kishte dokumentet, rreth 250 euro dhe 1500 leke.
Nga hetimet e bëra nga strukturat e Komisariatit të Policisë Pukë për rastin e vjedhjes me dhunë në Gomsiqe, është bërë e mundur identifikimi dhe shpallja në kërkim e menjëhershme, si dhe me datë 06.09.2017, në bashkëpunim me forcat e Komisariatit Nr. 3 Tiranë, u bë ndalimi dhe vendosja para përgjegjësisë ligjore e shtetasit :
Emirjon Nikja , 20 vjeç, banues në Tiranë, i denuar me parë për veprën penale të “Vjedhjes”
Materialet iu referuan Prokurorisë së Rrethit Gjyqësor Pukë për veprat penale “Vjedhja me dhunë” “Kanosja” parashikuar nga neni 139 e 84 të Kodit Penal
a.ç
