Radhë mjetesh në pikën kufitare të Kapshticës, teksa dhjetëra mjete presin për të kaluar drejt shtetit grek pasi kanë pasur disa ditë pushim lidhur me një festë që shënohet si “E hëna e pastër”.
Korrespondentja e Top Channel në Korçë Dhorjela Çule raporton se emigrantët e kthyer pak ditë më parë në atdhe, ditën e sotme po i drejtohen sërish Greqisë, por numri i lartë i mjeteve ka bërë të krijohet radhë në këtë doganë.
Drejtuesit kanë rreth 1 orë që presin të kalojnë e sipas informacioneve, pala shqiptare po punon me 5 sportele, ndërsa pala greke më e ngadaltë, me vetëm 3 sportele.
