Kryeministri Edi Rama ka repzantuar 12 prefektët e rinj në qarqe. Ai tha se prefektët e rinj u zgjodhën pas një procesi përzgjedhës mes kandidaturave të ndryshme. Rama tha më tej se do të rritet roli i prefektëve dhe do të ridimensionohet institucioni.
“Jemi në çeljen e një faze të re qeverisëse dhe sfida themelore për të cilat lypset ndër shumë të tjera edhe një institucion i Prefektit i ridimensionuar tërësisht si një institucion përfaqësues i qeverisë në çdo qark. Padyshim nëse do të kthejmë kokën pas ky është një institucion që mbeti në hije në një pozicion letargjik dhe ndërkohë piramida e re e kësaj faze të re qeverisëse, si dhe pritshmëritë të larta që njerëzit kanë kërkojnë një qasje dhe një profil të ri të figurës së prefektit. Kemi ndërtuar një proces për rreth 40 ditë dhe në mënyrë aktive kemi vlerësuar, pasi kemi rënë dakord mes vedi për profilin e ri të Prefektit një numër kandidaturash nga ushtarakët e lartë që nuk janë aktivë në FA”, tha Rama.
Prefektët e rinj:
Prefekt i Kukësit Zenel Kuçana, ka përballuar edhe krizën e 1999
Prefekt i Dibrës Nuredin Shehu, kolonel në rezervë
Prefekt i Shkodrës Cesk Millja, kolonel në rezervë
Prefekt i Lezhës Gjergj Prendi, kolonel në rezervë
Prefekt i Durrësit kapiten i rangut të parë në rezervë
Prefekt i Elbasanit Maksim Malaj, ish-Gjeneral
Prefekt i Fierit Bakim Bala
Prefekt i Beratit Railla Dafa kapiten i rangut të parë
Prefekt i Korçës Dhori Spirollari
Prefekt i Vlorës Flamur Mama
Prefekt i Gjirokastrës Astrit Aliaj
Prefekt i Tiranës Suzana Jahollari
Prefektët që largohen nga detyra:
Prefekti i Tiranës – Admir Abrija
Prefekti i Durrësit – Emiljan Jani
Prefekti i Elbasanit – Ardit Demiri
Prefekti i Fierit – Vasil Bregu
Prefekti i Vlorës – Etjona Hoxha
Prefekti i Gjirokastrës – Flamur Bime
Prefekti i Beratit – Valbona Zylyftari
Prefekti i Korçës – Pandi Papando
Prefekti i Dibrës – Ardit Kaja
Prefekti i Kukësit – Liman Morina
Prefekti i Shkodrës – Paulin Radovani
Prefekti i Lezhës – Eduard Ndrecaj
