Situata me zjarret duket se po shkon drejt përmirësimit, pasi edhe temperaturat kanë shënuar një ulje në disa gradë.
Sipas emergjencave civile në 24 orët e fundit është evidentuar vetëm një vatër zjarri, në Bogovë të Skraparit.
Zjarri ka rënë në një sipërfaqe me shkurre dhe pisha, dhe zjarrfikësit e Skraparit arritën të shuanin flakët me mjete rrethanore për shkak të terrenit të thyer malor. Në ndihmë kanë shkuar dhe banorët e zonës. Për pasojë u dogj një sipërfaqe prej 0.3 ha me shkurre.
Ndërsa në qarqe të tjera të vendit nuk janë raportuar probleme.
NJOFTIMI
Emergjencat Civile kanë dhënë dejate në lidhje me situatën e krijuar për shkak të motit të nxehtë dhe masat ndaj zjarreve. Gjatë 24 orëve të fundit mbi vendin tonë ka mbizotëruar mot i nxehtë me kthjellime dhe vranësira në pjesën qendrore. E vetmja vatër zjarri e konstatuar ishte në Çorovodë, ku pati dëme në një pyll me pisha, e konkretisht:
Në fshatin Bogovë, ra zjarr në një sipërfaqe me shkurre dhe pisha. Shërbimi vendor i MZSH Skrapar shkoi në vendngjarje dhe punoi me mjete rrethanore për shuarjen e zjarrit për shkak të terrenit të thyer malor. Në ndihmë për shuarjen e zjarrit shkuan dhe banorë të zonës. Si pasojë e zjarrit u dogj një sipërfaqe rreth 0.3 ha me shkurre dhe pisha.
Nga qarqet e vendit nuk raportohen probleme për shkak të kushteve të motit.
Emergjencat Civile ftojnë qytetarët që nëse konstatojnë zjarre të njoftojnë menjëherë në numrat e emergjencave 112, 129, apo 0694110198, pasi ndërhyrja në kohë shmang pasojat e rënda.
Gjatë ditës së sotme temperaturat do të zbresin, duke ulur mundësitë e përhapjes së vatrave të zjarrit:
– në vendet malore: temperaturat minimale 14°C, ndërsa ato maksimale do të ngjiten deri në 25°C.
– në vendet e ulëta: temperaturat minimale 17°C, ndërsa ato maksimale do të ngjiten deri në 30°C.
– në bregdet: temperaturat minimale 19°C, ndërsa ato maksimale do të ngjiten deri në 29°C.
a.ç
